〈181〉

雙頭無一ngauh

Siang-thâu bô chi̍t ngauh

作家Babuja ASidaia講ê故事：Ū chi̍t-chiah káu-á，kā chi̍t-ki bah-kut，tông-sî khòaⁿ-tio̍h lēng-gōa chi̍t-ki，in-ūi siáu-tham，pàng-tiāu chhùi--ni̍h chit-ki boeh kā lēng-gōa hit-ki，soah hō͘ pa̍t-chiah káu-á seng ngauh--khì，bô-nāi-hô hoan-thâu tńg-lâi kā gôan-pún hit-ki bah-kut，siáⁿ-chai mā hō͘ lēng-gōa chi̍t-chiah káu-á chhiúⁿ--khì，kiat-kó soah 「siang-thâu bô chi̍t-ngauh」，No-sut siu-bóe。

Chit篇故事是leh教人做tāi-chì tio̍h全心，一項tāi-chì做soah，chiah koh來做另一層tāi-chì，chit-mái leh創siaⁿh，tio̍h照起工創siaⁿh，m̄-thang想東想西，份內ê khang-khòe做未好，tio̍h想步數siàu想boeh升官，到時káⁿ ē「雙頭無一ngauh」，官昇無起--lih，khang-khòe做無好勢，soah hō͘人辭頭路soah尾。Án-ne tio̍h冤枉--lò͘。

【註解】